ӨВӨРХАНГАЙ АЙМАГ ДАХЬ ЗАХИРГААНЫ ХЭРГИЙН АНХАН ШАТНЫ ШҮҮХЭД НЭХЭМЖЛЭЛ ГАРГАХ НЬ
2020…..... Арвайхээр сум
Нэхэмжлэгч: “ ХХХХХХХХХ” ХХК, Өвөрхангай аймаг, ХХ сум, ХХ баг, А-р байр 5-6 тоот, Утас:.......................
Хариуцагч: Төв аймгийн дүүргийн татварын хэлтсийн Татварын улсын байцаагч Х.Б. Төв аймаг Зуунмод сум, Утас: ...............
Нэхэмжлэлийн шаардлага: Төв аймгийн Т-ын улсын байцаагч нарын 2018 оны 03 дугаар сарын 19-ны өдрийн № 0602200000 дугаартай “Шийтгэлийн хуудас”-ыг бүхэлд нь хүчингүй болгуулах
Нэхэмжлэлийн үндэслэл: Манай компани 2015 онд Улаанбаатар хотоос БНСУ-аас сэлбэг оруулан ирдэг хүнээс экскаваторын сэлбэг авч байсан. Хэд хэдэн удаагийн худалдан авалт хийж НӨАТ-ын падаан авах талаар шаардлага тавьснаар “ШТ “ХХК-ийн тамга тэмдэг бүхий албан ёсны падаан дээр бичилт хийсэн бичиг баримтыг манай талд таксины жолоочоор явуулсан байсан. Энэ падаанаар 2015 оны 7 дугаар сард манайх татварын тайлан гаргахад мөн адил борлуулагч тал борлуулалтын тайландаа тусгасан байснаар энэ худалдан авалт баталгаажсан болно. Одоо 3 жилийн дараа энэ падаан хуурамч тэр компани нь тухайн үед үйл ажиллагаа явуулаагүй байсан гэж байгаа нь нэг талыг барьсан үйлдэл байна. Аж ахуйн нэгжүүд сар бүр НӨАТ-ын тайлан, улирал бүр санхүүгийн тайлан гаргаж татварын байгууллагуудад мэдээлж түүнийг татварын газар нэгтгэж хянаж байдаг байх. Гэтэл их хэмжээний борлуулалт хийж НӨАТ-ын тайлан бичиж байсан компаний санхүүгийн тайланг тухайн үед шалгаж илрүүлээгүй байгаа нь Татварын газрын ажлын хариуцлага ямар байгааг харуулж байна. Энэ падаанийг тухайн үед нь хуурамч байна, энэ компани үйл ажиллагаа явуулаагүй гэдгийг илрүүлсэн бол өнөөдөр ийм асуудалд орохгүй тухайн үед нь засаж залруулах боломж бүрэн байсан. Тийм учир манай компани татварын газрын гаргаж буй энэ шийдвэрийг хүлээн зөвшөөрөхгүй байна.
Иймд Төв аймгийн Татварын хэлтсийн улсын байцаагч нарын 2018 оны 03 дугаар сарын 19-ны өдрийн № 0602200000 дугаартай “Шийтгэлийн хуудас”-ыг бүхэлд нь хүчингүй болгож өгнө үү.
Нэхэмжлэлд авсаргасан материал:
- Нэхэмжлэл /2 хувь/,
- Улсын тэмдэгтийн хураамж төлсөн баримт
- Татварын улсын байцаагчийн шийтгэлийн хуудас,
- Бусад нотлох баримт
Жич: Нэхэмжлэлд хавсаргасан материалыг шүүхэд эхээр нь, хэрэв эхийг өгөх боломжгүй бол нотариатаар гэрчлүүлсэн хуулбарыг өгнө.
Нэхэмжлэл гаргасан Б.Баатар
/гарын үсгээ зурсан байна/
